مجدي عبدالغني: تاريخ ريبيرو ضعيف، والمباراة الافتتاحية بالأندية تحدي صعب له

آخر تحديث: السبت 14 يونيو 2025 - 11:33 م بتوقيت القاهرة

الشروق

أبدى مجدي عبدالغني، نجم الأهلي ومنتخب مصر السابق، تحفظات على أسلوب المدرب الإسباني خوسيه ريبيرو، قبل المباراة المرتقبة للأهلي ضد إنتر ميامي في افتتاح كأس العالم للأندية.

ومن المقرر أن يواجه النادي الأهلي نظيره إنتر ميامي الأمريكي في المباراة الافتتاحية لبطولة كأس العالم للأندية، والمقرر لها في تمام الساعة الثالثة فجر الأحد.

وقال مجدي عبدالغني في تصريحات تليفزيونية عبر برنامج «مساء الأنوار»: "أنا خايف من مدرب الأهلي، مش عارفين هل فهمنا، هل عرف اللاعيبة، وبعدين الراجل واضح أنه صارم مش بيضحك ولا في المؤتمر ولا في أي صورة له".

وتابع: "واضح أنه مخضوض كمان، ومعندوش سي في، تاريخه ايه جاب ايه بطولات؟، أنت ممكن تجيب مدرب يأخد بطولة أفريقيا وبعدين ميكسبش حاجة، المدرب دا تاريخه مش قوي".

واكمل: "هو موجود في بطولة كأس العالم للأندية وماسك فرصة كبيرة عشان كدا ممكن متوتر، وواضح أنه مبيضحكش، وممكن تكون شخصيته صارمة، بس ريبيرو لما تيجي تتكلم عن التاريخ مفيش تاريخه".