رانيا فريد شوقي: مفيش فنان يقدر يجسد شخصية والدي.. ورافضة تماما تقديم سيرته

آخر تحديث: الأربعاء 16 يوليه 2025 - 10:59 م بتوقيت القاهرة

حسام جودة

أكدت الفنانة رانيا فريد شوقي رفضها القاطع لفكرة تقديم السيرة الذاتية لوالدها الفنان الراحل فريد شوقي في أي عمل فني، سواء في السينما أو الدراما، مشيرة إلى أن شخصية والدها استثنائية، ولا يوجد فنان قادر على تجسيدها بما يليق بتاريخه ومكانته.

وقالت رانيا، خلال مداخلة هاتفية في برنامج "تفاصيل" مع الإعلامية نهال طايل عبر قناة "صدى البلد 2": "موضوع السيرة الذاتية لفريد شوقي مرفوض تمامًا، ولا رجعة فيه، ولا حتى بفكر فيه.. لأن نجاحه صعب، ومفيش فنان يقدر يقدم الشخصية دي".

وأضافت: "فيه سير ذاتية نجحت زي أم كلثوم وأسمهان والملك فاروق، لكن دا مش بيحصل كتير، وفريد شوقي حالة خاصة.. بقاله 27 سنة متوفي ولسه الناس بيقولوا عليه (ملك الترسو) و(وحش الشاشة) و(فتوة الناس الغلابة)، وده معناه إنه ساب أثر حقيقي عند الجمهور واتربّوا على أفلامه".

وتابعت رانيا: "بابا كان موهوب بطريقة مش سهلة تتكرر، ونجاحه مش مجرد شهرة، دي محبة حقيقية من الجمهور لحد النهاردة".

وفي سياق آخر، علّقت رانيا فريد شوقي على مشاركة الـ"بلوجرز" و"التيك توكرز" في الأعمال الفنية، قائلة: "أنا مش ضد مشاركة أي حد في الفن، المجال مفتوح للجميع، لكن الجمهور هو اللي بيحكم، وذكي جدًا، ومش هينجح حد إلا لو يستحق.. حتى لو نجح البلوجر أو غيره فترة، مش هيكمل لأن الاستمرارية صعبة ومحتاجة موهبة حقيقية".