ميدو يتضامن مع الزمالك في أزمة أرض أكتوبر

آخر تحديث: الثلاثاء 19 أغسطس 2025 - 12:25 م بتوقيت القاهرة

أمير نبيل

أبدى أحمد حسام "ميدو" نجم نادي الزمالك السابق، تضامنه مع مجلس الإدارة برئاسة حسين لبيب فيما يخص أزمة سحب أرض النادي بالسادس من أكتوبر، من قِبل وزارة الإسكان.

كان الزمالك قد أعلن أمس الإثنين عن سحب الأرض بعدما بدأ بالفعل عملية الإنشاءات فيها، وذلك بداعي انتهاء المُهلة المخصصة لاستكمال المشروعات.

وقال ميدو عبر "إكس": "معايا كل الأوراق والمستندات اللي بتثبت ان كل اجراءات الزمالك صح وبنناشد المسؤولين بدعم الزمالك بالقانون وأن يضعوا أي شخص بيحارب النادي عند حده".

وأضاف: "عندي ثقة كبيرة ان المسؤولين هيدعموا النادي وأنهم عارفين مدى أهمية هذا المشروع بالنسبة لاستقرار النادي ومستقبله".

واستطرد قائلا: " قبل ما أتكلم عن موضوع محاولة سحب قطعة الأرض المخصصة لنادي الزمالك لفرع ٦ أكتوبر تأكدت من صحة معلوماتي من أكثر من جهة.. الزمالك أوراقه كلها سليمة ولسه دافع رسوم المزايا التي حصل عليه سواء بزيادة نسبة البناء أو زيادة عدد الأدوار في المباني والزمالك لسه مستلم خطاب بمد الفترة المسموح بها للإنتهاء من المرحلة الأولى للمباني وهي ٣٠٪ من نسبة المباني"

وتابع نجم الفريق السابق: "الزمالك مستلم الأرض دي من ٢٠٠٤ ماحدش حط فيها مسمار وماحدش كان عنده مشكلة أبدا ودلوقتي لما الزمالك ابتدى شغل وابتدى يتعاقد على ٢٧ ملعب وخلاص ابتدى يدخل منها فلوس وخلاص هيقف على رجله ومش محتاج دعم من حد  وده اللي كل الزمالكاوية بيحلموا بيه بقالهم سنين علشان نقدر ننافس وننتظم  في دفع المستحقات للاعيبتنا وللموظفين في النادي واخيراً هنستقر بعتوا الناس توقف الشغل وتسحب الأرض"