ياسمين الخطيب تدافع عن زواج إيناس الدغيدي: الزواج مش عيب في أي سن.. يمكن محتاجة ونس ورفيق

آخر تحديث: الجمعة 26 سبتمبر 2025 - 10:50 م بتوقيت القاهرة

أعربت الإعلامية ياسمين الخطيب عن استيائها من تعليقات البعض على زواج المخرجة إيناس الدغيدي، مؤكدة أن الزواج ليس عيبًا في أي سن، وأن من حق أي امرأة أن تختار حياتها كما تشاء.

وقالت ياسمين الخطيب، خلال برنامجها "مساء الياسمين" المذاع عبر قناة الشمس: "مش عارفة ليه الناس علقت على زواج إيناس الدغيدي، وبيقولوا إزاي تتجوز وهي عندها 70 سنة! أعتقد دا مش سنها الحقيقي، لكن حتى لو كده.. هل دا حرام؟ ربنا ما حرموش، إنتوا بتحرموا ليه؟"

وأضافت: "إيناس الدغيدي شكلها جميل ورشيقة وأنيقة، ولو في السبعين أتمنى أبقى في ربع حلاوتها وشياكتها، واللي بيتنمر عليها أقوله شوفي نفسك الأول. للأسف شعب مصر بيعتبر موضوع الزواج، خصوصًا لو يخص المشاهير، كأنه شأن عائلي للشعب كله، ويدخل يعلق."

واختتمت الخطيب: "الزواج مش معناه زوج بيصرف، هو ونس ورفيق يمكن هي محتاجة تكمل معاه باقي عمرها".