خرج عامر ياسر لاعب الزمالك الشاب عن صمته، لينتقد طريقة التعامل معه، بعد عودته للمشاركة مع فريق الناشئين.
وكان ياسر قد تم تصعيده للفريق الأول في فترة سابقة قبل أن يعود للعب مع الناشئين من جديد في ظل عدم حصوله على فرصة كبيرة.
وقال عمار ياسر عبر حسابه على "انستجرام": "أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده."
وأضاف: "أنا من ساعة ما رجعت للناشئين من سنة وأكتروأنا بتعامل بأسوأ معاملة عكس باقي زمايلي، وللأسف ولا كأني كنت طالع غصب عن حد، أو واخد مكان حد".
وتابع: "من السنة اللي فاتت لحد دلوقتي بيجيلي عروض إعارة وبيع وكلها كانت بترفض من غير ما أعرف مين السبب."
وواصل اللاعب: "من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترفتش."
واستطرد قائلا: "ولما أتكلم مع حد، بيقولوا مفيش فلوس، وإن النادي بيمر بأزمة، طب أنا أعيش إزاي وأصرف منين؟.. عد كل ده مطلوب منك تيجي التمرين وتلعب ومتتكلمش."