انتقد أحمد حسام "ميدو" نجم نادي الزمالك، ما وصفه بـ "الإرهاب" الإعلامي ضد محمود عبدالرازق "شيكابالا" صانع ألعاب الفريق وقائده السابق، بسبب رأيه فيما يقدمه البلجيكي يانيك فيريرا المدير الفني للأبيض، خاصة بعد خسارة مباراة القمة أمام الأهلي.
وقال ميدو عبر "إكس": "الإرهاب الإعلامي اللي بيتطبق من اعلام الأهلي بقاله سنين على ولاد النادي قبل ولاد المنافسين لاي حد يعترض على سياسة ادارة النادي بدأ يتطبق في الزمالك".
وفسر ما كتبه قائلا: "شيكابالا قال رأيه في الماتش وان المدرب لازم يمشي وانه السبب الرئيسي في ظهور الفريق بالشكل ده رأيه رأي كل الزمالكاوية …القبيضة والمنتفعين مدورين عليه مكن ومطلعينه بيصفي حسابات!!".
وأضاف: "بيصفي حسابات مع مين؟ الراجل خدم النادي ٣٠ سنة من وهو عيل صغير واعتزل بقرار منه شخصيا وهو شيكابالا لو كان عايز يكمل السنة اللي ناقصه في عقده ماكانش هيكملها غصبا عن أي حد؟".
وواصل ميدو: "مش معنى ان انتوا مرضى ان الناس كلها مرضى زيكم انتوا مابتشوفوش الناس بعينكم انتوا بتشوفوا الناس بقلبكم المريض الي مليان حقد وغل!!".
وختم قائلا: "مفيش في الدنيا اي حاجه تستاهل قلة الادب دي!! محمود الخطيب وحسين لبيب انتوا مسؤولين عن اللي بيحصل ده عاملين نفسكم مش واخدين بالكم!!ده كلام تقولوهولنا احنا!! هتقولوا لربنا ايه؟ وقفوا المهزله دي لو سمحتم".