وجه الإعلامي أحمد شوبير حارس مرمى الأهلي ومنتخب مصر السابق صدمة لجماهير النادي الإسماعيلي قبل انطلاق الموسم الجديد وبداية الدوري المصري الممتاز غدا الجمعة.
وقال أحمد شوبير في تصريحات إذاعية اليوم الخميس: «هل أنت شايف البطولة بـ 21 نادي ناجحة؟، البعض هيقول لي ما أنت قولت الكلام ده السنة اللي فاتت يا كابتن والدوري كان مشتعل في الجولات الاخيرة، اه بالفعل الصراع على اللقب كان قوي، والدورة السباعية السنة دي للفوز باللقب هتكون نار يا حبيبي نار بس مفيش حاجة اسمها دوري فردي ده أمر انساه».
وتابع شوبير: «والحقيقة لازم السنة اللي جاية الدوري يعود من جديد بعدد أندية زوجي، والسنة دي أنت عامل الهبوط 4 أندية فهل هتقدر تهبط 4 فرق؟ أنا بقول مش هيقدروا ويارب كلامي يطلع غلط، والسنة اللي فاتت قلت مش هيهبط أي فريق وفي الاخر محدش هبط».
وأضاف شوبير مشيرا بشكل مباشر إلى الإسماعيلي والأندية الشعبية التي كانت مهددة بالهبوط في الموسم الماضي: «السنة دي فيه أندية هتهبط برضه من اللي تم إلغاء الهبوط عشانها السنة اللي فاتت، والدوري الليبي اتعمل 36 نادي وكده هنوصل زيهم ولغاية دلوقتي بيلعبوا الدوري في ميلانو في إيطاليا».
الجدير بالذكر أن إلغاء الهبوط في الموسم الماضي كان بشكل مباشر بسبب تواجد النادي الإسماعيلي ضمن الأندية الهابطة.