وجه شريف إكرامي، حارس مرمى بيراميدز، انتقادات لاذعة لقرار لجنة الاستئناف باتحاد الكرة المصري بشأن أزمة مباراة القمة، والذي قضى باعتبار الزمالك فائزًا اعتباريًا بنتيجة (3-0) دون خصم ثلاث نقاط من الأهلي.
قال شريف إكرامي عبر حسابه الرسمي على موقع التواصل الاجتماعي «إكس»:" قرار لا يحتاج خبير ليكشف عواره، ولا اللائحة محتاجة متخصص علشان يوضح ثغراتها".
أضاف:" المشهد مكشوف والتجميل ما بقاش ينفع".
تابع شريف إكرامي:" ارتعاش اللوائح و تفصيل القرارات أصبح جزء أصيل من ثقافة المنظومة و سبب أساسي في تدهورها".
أوضح:" وعشان نقدر نبني منظومة تحترم نفسها و تتطور، ثبات القرار و استقلالية القواعد من أي عوامل خارجيه هو حجر الأساس".
أشار إكرامي:" ووسط الارتباك ده، بيظهر نوع تاني من الخطر، بيظهر ناس بتقبل الظلم والتدليس لما يكون في مصلحتها وبتجتهد في اختراع مبررات عشان تمحي بيها شعورها بالذنب، وده للأسف بيكشف التناقض بين قيّمهم وأفعالهم،بس التبرير عمره ما بيمحي الحقيقة بالعكس ساعات بيعرّيها أكتر خصوصًا لما نكون قدام حالة تدليس واعي ومتعمد، وده أخطر من الكذب، لأنه بيغّلف الباطل بقناع المنطق و يوهمك ان الغلط صح".
أكمل إكرامي:" وكالعادة، هيتحول الجدل من مناقشة قرار مشوّه لتبادل اتهامات، وتخوين، وتشويه كل صوت مختلف، وكأن المشكلة مش في القرار، لكن في اللي بينتقده".
واصل إكرامي:" وعموماً الكورة زيها زي الدنيا،قيم الناس الحقيقية بتبان فيها وقت الاختبار".
أتم إكرامي:" في النهايه كامل احترامي لكل من اختار ضميره قبل انتمائه لان الحق ما بقاش بيتقال مش عشان الناس نسيته، بس عشان بقوا خايفين يدفعوا تمنه".
وكانت لجنة الاستئناف قد أصدرت قرارها الخاص بمباراة القمة بين الأهلي والزمالك باعتبار الزمالك فائزا اعتباريا بنتيجة 3-0 وفقا للائحة دون خصم 3 نقاط إضافية من رصيد الأهلي لعدم انطباق لائحة الانسحاب عليه في مباراة القمة.