انتقد أحمد حسام "ميدو"، نجم الزمالك السابق والإعلامي الحالي، تعادل الفريق الأبيض أمام الجونة بنتيجة (1-1) في الدوري الممتاز، مؤكدًا أن الفريق دخل اللقاء وهو محمل بسلسلة من الأخطاء الإدارية والفنية.
وقال ميدو خلال برنامجه "أوضة اللبس" على قناة النهار: "تعادل الزمالك مع الجونة نتيجة صادمة بالنسبة لي، لكن الحقيقة أن الفريق عمل كل حاجة غلط قبل الماتش عشان ميكسبش، ولو في نية داخل النادي إن الزمالك ميكسبش قبل ماتش الأهلي مش هيعملوا أكتر من اللي حصل".
وأضاف: "العمل الإداري بينعكس على أرض الملعب، ومينفعش تعمل كل حاجة غلط وتتوقع تكسب، وارد تكسب بالصدفة لكن مش دايمًا".
كما هاجم ميدو قرار المدير الفني يانيك فيريرا، الذي طلب من لاعبه بيزيرا الحصول على إنذار متعمد في المباراة السابقة، ما أدى لغيابه عن مواجهة الجونة واللقاء المرتقب أمام الأهلي.
واختتم قائلاً: "فيريرا خسر أهم لاعب عنده النهاردة، والقرار ده كان سبب رئيسي في التعادل.. الكلام ده مينفعش يحصل في نادي عايز ينافس على بطولة".