• بعد وصول البطيخة لـ250 جنيها.. سهير جودة: الذهب غلي ليه إذا كانت الـ 4 بطيخات بألف جنيه!
عبرت الإعلامية مفيدة شيحة، عن صدمتها ودهشتها من الارتفاع الكبير في أسعار البطيخ بالأسواق، مشيرة إلى وصول الأربع بطيخات إلى ألف جنيه.
وقالت خلال برنامجها «الستات ميعرفوش يكذبوا» المذاع عبر شاشة «النهار» مساء السبت: «عرفتوا إن الأربع بطيخات بألف جنيه؟ البطيخة بـ 250 جنيه! يعني أنا أشتري 4 بطيخات للبيت أدفع ألف جنيه؟».
وقارنت بين الوضع الحالي والأسعار في الماضي، قائلة: «أنا فاكرة زمان لما كانت البطيخة بـ 20 جنيه، كنا بنقول غليت، ولما وصلت لـ 100 جنيه، قلنا: يا نهار أبيض! بطيخة بـ 100 جنيه؟».
وأضافت معبرة عن خيبة أملها من تزامن ارتفاع السعر مع سوء الجودة، قائلة: «النهاردة البطيخية بـ 250 جنيه، وتيجي تفتحها تلاقيها صايصة وكلها مياه، ونصها أحمر ونصفها كأنه دبلان، ويُطلب مني أدفع 250 جنيه؟ أنا مش مصدقة، أنا مذهولة!».
ومن جانبها، علقت الإعلامية سهير جودة على الأسعار، ساخرة: «علشان كدا بيقولك الذهب غلي ليه؟ إذا كانت الأربع بطيخات بألف جنيه».
وأشارت من جانبها مفيدة شيحة، إلى القيمة الشعبية للبطيخ خلال فصل الصيف عند المصريين، قائلة: «دي كانت أكلة المزاج، البطيخ والجبنة البيضاء والعيش الناشف، كانت المزاج بتاع الصيف للمصريين، كانت للغني والفقير».