علقت الإعلامية مها الصغير، على رسالة إحدى السيدات التي تحدثت عن حدوث خلاف بينها وبين زوجها؛ تطور إلى ضربها له وإحداث كدمات في وجهه.
وجاءت نص الرسالة التي أرسلت إلى برنامج «الستات مايعرفوش يكدبوا»، المذاع عبر فضائية «CBC»، مساء الثلاثاء، كالآتي: «أنا اتخانقت مع جوزي وهو استفزني جدًا فمديت إيدي عيه، ودي مش أول مرة وكنت بنجح إني أصالحه قبل كده، لكن المرة دي في كدمات».
وأضافت صاحبة الرسالة: «بقالي أسبوعين بحاول معاه إننا نتصالح، والعيال بدأوا ياخدوا بالهم إننا مبنتكلمش خالص، وهو نقل أوضة تانية ومبيتكلمش معايا خالص، أعمل إيه عشان يصالحني؟».
وقالت الإعلامية إن العنف الأسري غير مبرر وغير مقبول كما أنه مُجرّم، معقبة: «الضرب بين الراجل والست مينفعش، وإن راجل يمد إيده على ست أو ست تمد إيدها على راجل دي فيها إهانة شديدة، إزاي الحياة تستمر بينكم بعد كده؟!».
وأشارت إلى أن الرجل الذي يقبل بضرب زوجته له يعاني من «خلل شديد»، مضيفة: «سواء في عيال أو مفيش عيال، إزاي الحياة تستمر؟ لما شرارة الحب بتروح بيفضل بعد كده الاحترام، ولو في احترام فالحياة هتستمر».