كشف الفنان أشرف عبد الباقي، سبب قبوله للمشاركة في مسلسل «قلبي ومفتاحه»، خلال الموسم الرمضاني، واعتذاره عن عدم المشاركة في مسلسل «فهد البطل».
وقال خلال لقاء لبرنامج «تفاعلكم»، المذاع عبر فضائية «العربية»، إن «قلبي ومفتاحه» عمل قريب من الطبقة المتوسطة وفوق المتوسطة؛ فهو يقدم أشخاصًا يعيشون حياة طبيعية ويمرون بمشكلات عادية، الأمر الذي جعله قريبًا من الجمهور.
وأضاف: «وقت ما بنروح للحي الشعبي بنشوف بلطجية وناس بيضربوا بعض، لكن إحنا بنقدم حي شعبي طبيعي، ودي أكتر حاجة بتميز (قلبي ومفتاحه)، لكنه برضه ليس عيبًا في الآخرين».
وأوضح أنه اعتذر عن عدم المشاركة في مسلسل «فهد البطل» قبل تصوير العمل بنحو شهرين، قائلًا إنه اجتمع قبلها ببطل العمل أحمد العوضي، والمخرج والجهة الإنتاجية.
وأكمل: «لاقيت العمل حلو أوي، لكن يمكن مكنتش شايف نفسي في الشخصية، ويجوز حد تاني يعملها بشكل أحسن مني وممكن تضيف لهم بصورة أكبر».
وذكر أنه أكد خلال اجتماعه مع الجهة المنتجة إمكانية التعاون مع العوضي في أعمال أخرى، معقبًا: «الحكاية انتهت من بدري خالص، لا أنا قدرت أعطلهم ولا أنا عندي مشكلات أخرى لها علاقة باتفاقات، لكن الواحد حابب يشوف نفسه في الدور اللي بيقدمه، وهو ده اللي حصل لي بعدها».
ورفض الإفصاح عن الدور الذي اعتذر عنه، معقبًا: «كل المشاركين في العمل قايمين بأدوار كويسة، لكن الدور ده مكنش له نصيب من الأول معايا، وأكيد اتغير على الورق».