قالت الفنانة آية سماحة، إنها تؤمن بمفهوم الـ«كارما»، مشيرة إلى تحققه معه في حياتها المهنية بصورة كبيرة.
وأضافت خلال لقاء لبرنامج «أسرار»، المذاع عبر فضائية «النهار»، مساء الاثنين: «في أوقات كتير كنت بقول لكل اللي حواليا إني محتاجة أشتغل، والرد كان طيب إن شاء الله.. بس بتلف، لفت حلو أوي الحمد لله»، بحسب تعبيرها.
واستطردت: «دلوقتي بشتغل مع ناس كتير كانت بتعترض عليا أو على الشغل معايا أو شايفة إني مش أحسن اختيار.. متصالحة إن مفيش حد ممكن نتفق عليه، لكن ساعات الاعتراض كان بدون سبب».
وعن طريقة تعاملها مع الأشخاص الذين رفضوها سابقًا ثم قرروا التعاون معها، أجابت: «بمنتهى اللذاذة، أنا قاصدة أتعامل كده يمكن يتعلموا يبقوا لذاذ، وكسبت إني مرتاحة وأمشي شغلي وبطريقة ألذ».
وأكدت أنها لا تخوض حربًا مع الآخرين ولا تكن عداوة لأشخاص بعينهم، مختتمة: «لو طلعنا مشاكلنا على بعض هنروح في حتة وحشة، عشان كده بحاول أكون في حتة لطيفة».