انتقد الإعلامي أحمد شوبير حارس مرمى الأهلي ومنتخب مصر السابق طريقة نادي الزمالك في إدارة ملف المفاوضات مع نادي بتروجت بخصوص شراء لاعب الفريق البترولي حامد حمدان.
وقال أحمد شوبير تعليقا على الجدل المثار حول صفقة انتقال حامد حمدان من بتروجت إلى الزمالك: «أنا مستغرب جدا والله من اللي بيحصل، أنا عندي اللاعب بتاعي زي قصة وسام أبوعلي مع الفارق في الماديات يعني، فأنا عندي اللاعيب بتاعي ده بتاعي أنت حضرتك عايز تشتريه، فأنا بقول لك ده بـ 10 قروش تقول لي لأ أنا هدفع كذا يا إما بلاش».
وتابع شوبير: «لأ حضرتك هو ملكي أنا حر فيه طب اللاعيب ده عايز يروح الزمالك طبعا أي حد عايز يلعب في الأهلي والزمالك مش عايزة كلام، طب قدر مثلًا ما رحش خلاص هيقعد، بتروجت له طلبات عايز اللاعب نفذها».
وأضاف شوبير: «تقوم تطلع ناس تتطوع وتهاجم وتقول مش عارف أيه، وناس أبعد ما تكون عن الكورة للأسف الشديد متعرفش أيه دخلهم في حياتنا وفي الكورة، فالحقيقة موضوع حامد حمدان غريب جدا، وحاجة يعني صعبة جدًا».