اختلف الدكتور مبروك عطية، العميد السابق لكلية الدراسات الإسلامية بجامعة الأزهر، وأستاذ الشريعة الإسلامية، مع الفنان إسلام إبراهيم، حول تعريفه لـ«فترة الخطوبة».
وقال إبراهيم، خلال استضافته ببودكاست «كلام مبروك»، الذي تقدمه منصة «عرب كاست» الإماراتية، إنه خطب إحدى الفتيات سابقًا، لكنه لم يشعر بالراحة لذلك قرر الانفصال عنها.
وأكد أنه لا يخاف من الزواج في المطلق، لكنه شخص غير تقليدي في حياته، مضيفًا: «أنا شخص عشرتي صعبة، وعندي مشكلة إني مبعرفش أظلم حد، ولما انفصلت عن اللي كنت خاطبها جزء مني كان واثق إننا منكملش، وجزء تاني مش عاوز يظلم حد لأنه إحساس صعب أوي».
وأشار إلى أن فكر البنات في الأقاليم مختلف عن البنات في القاهرة، معقبًا: «البنت في الأقاليم لما تتخطب وتتساب مشكلة كبيرة أوي، وفترة الخطوبة معمولة عشان ندرس بعض، هو أنا داخل أعمل خير ولا أكسب فيها ثواب! لو مش حاسس إني مش هقدر أكمل حياتي معاها لازم مكملش حتى لو في ظلم صغير»، بحسب تعبيره.
من جهته، أبدى عطية، اعتراضًا على قول الفنان، مستطردًا: «مفيش حاجة اسمها فترة الخطوبة بندرس بعض إطلاقا، أنا معتبش عتبة حد وأخطب بنته إلا وأنا متأكد إنهم ناس يتناسبوا.. هو أنتم هتدرسوا كيميا يا إسلام؟!».
ورد الفنان بقوله إنه مؤمن بعلم الطاقات، متابعًا: «لما طاقتي وطاقتها مش بيتقابلوا يبقى في حاجة غلط، والدليل إني لما سبتها هي نجحت في حياتها».