أشاد حازم إمام، نجم الزمالك السابق وعضو اتحاد الكرة المصري، بالمشروع الرياضي الذي يقوده نادي بيراميدز، مؤكدًا أن الفريق يسير بخطى ثابتة رغم الانتقادات التي طالته منذ ظهوره على الساحة الكروية.
وقال إمام، خلال تصريحاته لإذاعة "أون سبورت إف إم"، إن بيراميدز أثبت قدرته على التطور والاستمرارية، رغم ما وصفه بحملات السخرية والتقليل من فرصه في تحقيق البطولات.
وأوضح:"الناس كانت بتتريق على بيراميدز وتقلل منه، لكن الفريق ما بيهداش، واشتغل بشكل متواصل لحد ما حقق أول بطولة له بالفوز بكأس مصر الموسم اللي فات."
وأضاف:"على مدار أربع سنين، كان في ناس بتقول إن بيراميدز مش هياخد بطولات، لكنهم كانوا بيشتروا لعيبة كويسة وبيشتغلوا على مشروع واضح."
وأشار إمام إلى أن بيراميدز أصبح رقمًا صعبًا في الكرة المصرية، بعدما تمكن من فرض نفسه كمنافس دائم على المراكز الأولى في الدوري:"الفريق سيطر على المركز الثاني في الدوري خلال السنوات الأخيرة، وده نتيجة استقرار وتخطيط جيد."
وتابع:"وجود ميزانية كبيرة بيساعد طبعًا، لكن المهم هو إزاي تدير الفريق وتختار لاعبين يقدروا يحققوا طموحات النادي، وده اللي بيراميدز عمله بنجاح."
واختتم حديثه بالإشادة باللاعبين الأجانب في صفوف الفريق، قائلًا:"أكتر حاجة بتلفت نظري في بيراميدز هي اختياراتهم من المحترفين الأجانب، كلهم مميزين وبيشاركوا بشكل أساسي."