عرض الإعلامي عمرو أديب، صورته بالزي الفرعوني كجزء من تعبيره عن الشعور بالفخر لافتتاح المتحف المصري الكبير.
وقال خلال برنامجه «الحكاية» عبر شاشة «mbc مصر»، إنه شارك في التريند المنتشر على مواقع التواصل الاجتماعي وطلب من الذكاء الاصطناعي صورته وهو مقاتل فرعوني.
وعلق أديب على الصورة ساخرًا بالقول: «ده وشي وده جسمي.. محدش يفتكر إنها صورة ذكاء اصطناعي.. لكن تفاصيل الجسم محدش بيشوفها زي المجانص والترابيس والباي سيبس والتراي سيبس والحاجات دي.. ولا محمد صلاح ولا بتاع».
وأضاف: «دي صورتي وأنا فخور بأجدادي المصريين علشان تعرفوا أنا بجي البرنامج بالبدلة لكن فيه جوه حاجة تانية».
ووصف أديب الصورة قائلًا: «على رأي الأستاذ عمرو دياب نفخوني.. طبعًا عمرو دياب عنده اللي في الصورة ده بجد تحت البدلة.. يعني لو عمل فرعوني هنشوف وده بجد».