قال البلوجر محمد عبد العاطي في تحقيقات النيابة العامة إن سبب الانتشار الواسع لبرنامجه "مع كامل احترامي" على تطبيق "يوتيوب" هو إعجاب المتابعين بالمحتوى الذي يقدمه.
وتابع عبد العاطي أن برنامجه يتناول مجموعة من المواقف الحياتية، قائلًا: "الناس أعجبت بالبرنامج علشان شايفني على طبيعتي، وبتكلم عن الحاجات اللي بيشوفوها في يومهم، وكمان بتكلم عن الطبقة المتوسطة اللي أنا منها".
وأضاف: "اختيار المواضيع في البرنامج مش قائم على أساس معين، دي مواقف عشوائية، واللي بيجي في دماغي بكتبه. يعني مثلًا في الصيف بتكلم عن الساحل، وفي وقت المدارس بتكلم عن الثانوية العامة، وبعد رمضان بتكلم عن العزومات والعيد".
واستطرد: "في ناس أكيد مش بيعجبهم المحتوى اللي بنزله زي أي حاجة، زي الأفلام والمسلسلات، وبقالي سنتين وتسعة أشهر بنشر فيديوهات، ونشرت حوالي 140 فيديو".
وقررت النيابة العامة إحالة صانع المحتوى محمد عبد العاطي إلى المحاكمة أمام المحكمة الاقتصادية، لاتهامه بنشر محتوى خادش للحياء العام عبر مواقع التواصل الاجتماعي، وإساءة استخدام وسائل التقنية في بث مواد من شأنها المساس بالقيم الأسرية والمجتمعية.